Bjartar vonir?

Ég var að horfa á þátt í sjónvarpinu, nánartiltekið á RÚV, um upprennandi fimleikastjörnur og ólympíufara.  Fólk í Kína sendir börn sín í fimleikabúðir þriggja ára gömul og þar eru þau í allt að 6 ár og þjálfa mjög stíft. Ég verð að segja að mér ofbauð algjörlega. Hvernig er þetta hægt???  Eru ekki einhver lög sem ná yfir svona rugl eða leyfist allt í Kína??? Dísús, ég er svo græn að ég hélt að þetta væri ekki hægt eða hvað þá til. Sem móðir tveggja barna, þá tel ég það mikilvægast að þau alist upp hjá sínum foreldrum eða forráðamönnum og fái það sem þau þarfnast, ást og umhyggju. Ekki þrælahald í leikfimissal.  Og til hvers?  Til að verða einhver meistari? Ég held að tími sé komin til að  Kínverjar fari verulega að athuga sinn gang....

Bláberjablús

Þessa dagana er ég dottin í berjatínslu. Það eru aðalbláber sem aldrei fyrr. Greinarnar svigna undan þungum,stórum, safaríkum berjum. Svo bý ég til sultu úr herlegheitunum. Þetta er algjört lostæti. Ég er alin upp á krækiberjum fyrir sunnan, þá er auðvitað algjör draumur að fá að njóta bláberjanna hér fyrir vestan.

 

 

 

 

 

 

 

 

 

Glæsileg uppskera, ekki satt?

 

 

 

 

 

 

 

 

 

 

Svo er framleiðslan ekki af verri endanum......

 

 

 

 

 

 

 

Þá er best að drífa sig út og tína.........Sjáumst

Ennþá smá eftir af sumrinu....

Það er alltaf nóg að gera hjá okkur í sumarfríinu. Á laugardaginn fórum við í sund í Bolungarvík. Þar er vatnsrennibraut og krakkarnir hafa þá nóg að gera. Ólöf Dagmar, Ísabella og Sigurjón Dagur tilbúin í slaginn.

 

 

 

 

 

 

 

 

 

Um kvöldið var farið í Hlíðarvegspúkapartý. Þar var grillað, borðað og sungið. Í lokin var tendrað bál.

 

Sigurjón Dagur að leika sér.

 

 

 

 

 

 

 

 

Sumir voru búnir að fá nóg og fór að sofa í kerrunni sinni með  nýja Leiftur mc queen svefnpokann sinn.

 

 

 

 

 

 

 

 

 Hljómsveitin í þvílíka stuðinu og spilaði frábærlega. Benni og félagi.

 

 

 

 

 

 

 

 

 Hér er verið að afhenda viðurkenningar, til þeirra sem lengst hafa búið á Hlíðarvegi.

 

 

 

 

 

 

 

 

 

Á sunnudaginn fórum við  í sund á Ísafirði og prinsessan á heimilinu ánægð með helgina.

 

 

 

 

 

 

Sjáumst.

 

Það er enginn Lexus sem toppar minn Land Rover....

Ég trúi alveg að Lexus sé góður bíll og allt það en að Land Rover lendi í neðsta sæti, í þessari athugun, trúi ég alls ekki. Kannski bila þeir stundum.... en hver gerir það ekki á þessum kreppu tímum?  Ég er viss um að þeir gleymdu að taka með í könnunina, hversu lengi þeir endast og ég tala nú ekki um ryðið. Land Roverinn minn er alla vega úr áli og verður eins og nýr alla æfi, ég er viss um það.... 

 Tveir góðir saman. Einn er reyndar orðinn svolítið stærri og reyndari en hinn bara reyndari....

 .

Sjáumst.

Lexus áreiðanlegasti bíllinn

Glitrós

Þessa dagana er ég í mínu langþráða sumarfríi. Ég læt mér þó ekki leiðast og nú er ég á fullu að týna blóm, tré og runna í grasasafnið mitt. Um daginn var ég að skoða bók og fann þar rosa flotta plöntu sem lifir villt á einum stað á landinu. Mér datt í hug að gaman væri að skreppa austur  og berja hana augum. En ég hafði svo sem ekki tíma til þess þrátt fyrir þessa ágætu hugdettu. En eins og í sögunni um Barbapabba þegar hann ferðaðist  um hálfan heiminn til að finna Barbamömmu og fann hana svo í garðinum heima hjá sér........ hvað haldið þið að ég hafi fundið bak við húsið í mínum eigin garði?  Glitrós, í öllum sínum skrúða. Mér líður svolítið eins og Barbapabba.....

 

 Sjáumst.

 

Sólarströnd

Við erum komin heim á ný til ísafjaðrar eftir vikudvöl í Reykjavík, með viðkomu í Stykkishólmi.Við fórum með Baldri yfir Breiðafjörð og keyrðum svo heim. Við náðum okkur í eins dags sólarlandaferð í Reykjavíkinni og þvílík veðurblíða. Allir skemmtu sér konunglega.                                                             

Hér er Ólöf Dagmar að byggja sandkastala.

 

 

 

 

 

 

 

 

Sigurjón Dagur ljómaði.

 

 

 

 

 

 

 

 

 

Linda skvísa mætti og Kristófer sonur hennar líka.

 

 

 

 

 

 

 

 

 

Hérna er Ólöf búin að grafa Kristófer í sandinn.....Sigurjón kominn í bol. Það er ferlegt að brenna í sólinni.

 

 

 

 

 

 

 

Það var auðvitað farið í íslenskan sjó.

 

 

 

 

 

 

 

                                                                                                     

 

Þetta var ótrúlegur dagur. Fleiri myndir úr sumarfríinu síðar en í kvöld ætlar Mímmó, og Janin að koma í súpu til okkar. Erum að fara í búðina að versla.

 

 

 

 

 

Sjáumst,

Húsið reddý.

Jæja, hérna koma myndirnar af húsinu mínu" eftir" engin smá smá breyting.

 

 

 

 

 

 

 

 

 

 En hérna kemur ein mynd  úr afmælinu mínu.... ég held ég hafi orðið 25 ára  þann 25 júlí árið ..........                                                                                     

 

 

 

 

 

 

 

 

 

Hér er ég að syngja lög eftir uppáhalds tónlistarmanninn  minn Bubba Morthens. Það var geggjað fjör. Sjáumst.

Að gera upp hús....

Nú er ég að gera upp gamalt hús og það er verið að leggja síðustu hendur á nýtt járn á þakið. Þetta eru ótrúlegar breytingar á húsinu..Ég sendi mynd af húsinu "fyrir" og svo þegar þetta er allt tilbúið fáið þið að sjá það "eftir".

Sjáumst.

 

Loksins skýring á minnisleysinu......

Það er mikill léttir þegar maður les svona fréttir. Þegar börnin fara að sofa heilu næturnar án þess að vekja mann og maður nær 8 tíma svefni í einni lotu, þá getur maður farið að nota heilann aftur.

Góður svefn getur eflt minnið

Gleðifréttir af Þresti

Þröstur er nú kominn á fjóra fætur. Hann þurfti smá hjálp við það. Hann var hífður upp í poka sem hann er með um sig miðjan og látinn stíga í fæturna smátt og smátt. Hann sem sagt allur á batavegi.

 

 

 

 

 

 

 

 

 

 

Það væsir ekki um Þröst í veðurblíðunni, með græna grasið allt í kring.

 

 

 

 

 

 

Sjáumst.