Sigríður Inga Sigurjónsdóttir

7.9.2008 | 10:31

Umhverfis Vestfirði á einum degi.....

Það getur vel verið að hugmyndin að sameiningu allra sveitarfélaga á Vestfjörðum sé góð. En ýmislegt dettur mér þá í hug,og þá þetta fyrst og fremst.Hvernig eru samgöngur milli Ísafjarðar og Patreksfjarðar? Ágætt að Þingeyri en þá tekur við tvær heiðar sem ekki eru ruddar vegna snjóa frá Desember til lok apríl.Einu sinni var flug tvisvar í viku milli Ísafjarðar og Bíldudals yfir vetrartímann en það var lagt af. Eitt skipti fór ég keyrandi frá Ísafirði til Patreksfjarðar með því að keyra um djúpið. þetta var eina færa leiðin á miðjum vetri. Fram og til baka voru þetta um 1300 kílómetrar. Á sumrin getur verið ágætt að komast um þessar heiðar, en stundum, ef t.d. það hefur rignt mikið er þessi leið, algjör hörmung. Stórar djúpar holur. mjóir vegir, einbreiðar brýr og svona mætti lengi telja. Leiðin til Hólmavíkur frá Ísafirði tekur aldrei minna en þrjá klukkutíma, nema þá maður brjóti lögin um hámarkshraða..... Mikið nær hjá Hólmavík að sameinast Reykjavík, Það er álíka langt þangað og til Ísafjarðar. Það er örugglega mikið sem þarf að skoða til að svona stórt svæði verði að einu. Allavega þarf vegakerfið eitthvað mikið að breytast. En það verður spennandi að fylgjast með umræðunni næstu ár um þetta mál.