Fallegur rauður litur

Það veitir ekki af að komast sem fyrst í jólabúninginn. Kannski er þetta liður í að mála bæinn rauðann....ekki veitir af....

Máluðu Valhöll rauða í nótt

Veturinn kominn til Ísafjarðar

Þá er kominn vetur hér fyrir Vestan. Í gær voru pöntuð dekk undir Landroverinn fyrir litlar 250.000 kr....... En þar sem ég tel að líf mitt sé aðeins meira virði en það, þá lét ég slag standa og pantaði dekkin.  Svo var það prinsinn sem þurfti nýjan snjógalla og prinsessan nýja kuldaskó. Við erum þá orðin góð í bili. Þessi mynd af syni mínum er reyndar tekin í fyrravetur. Það er allt hvítt hérna núna eins og þá.

 

 

 

 

 

 

 

 

 

 

 

Þessa mynd tók ég af tunglinu rétt áður en veturinn kom vestur. Maður svona gæti næstum náð í það.....Ótrúleg kúla.

 

 

 

 

Sjáumst

Til hvers eiginlega??

....ég sá ekki alveg tilganginn að komast inn í þetta blessaða öryggisráð. Það er ágætt að spara sér 100 miljónir á ári í svona batterí. Það mætti til dæmis nota peningana fyrir aldraða og öryrkja. Það er allavega mín skoðun fyrir þjóð sem er á rúmlega hausnum.....

Ísland náði ekki kjöri

Grasasafnið mitt alveg að verða reddý...

Í dag er ég búin að fá grænar bólur fyrir kreppu tali og ætla að reyna að halda mér frá ljósvökum landsins eins mikið og hægt er. Ég ætla að lifa mínu lífi, einn dag í einu, án útvarps og sjónvarps. (hringi á morgun á RÚV og segi þessu öllu upp). Svo ætla ég að hugsa um eitthvað annað en dægurþrasið...... Ég hef verið síðustu 6 daga að vinna í grasasafninu mínu og það er alveg að verða klárt. Þetta hefur tekið óhemju tíma enda hef ég mikinn áhuga á að skila þessu frá mér eins vel og ég get. Hérna kemur sýnishorn af "safninu" mínu sem ég er svo stolt af. Knús á ykkur og sjáumst.

Fimmta ríkasta þjóð í heimi.........

Mín skoðun á inngöngu í Evrópubandalagið og allt það hefur verið sú að við ættum ekki að verða hluti af svo stóru batteríi. Vera sjálfstæð og sjálfum okkur nóg........ En þetta breyttist ......Nú finnst mér að við ættum að verða hluti af Noregi eða Danmörku. Mér finnst að íslensk stjórnvöld geri bara það sem henni sýnist og helst á sig... og það er ekki gáfulegt að mínu áliti. Það þarf "tilsjón" með þessum fuglum..... Ágúst Ólafsson var að segja í RÚV að íslendingar væru 5. ríkasta þjóð í heimi...... á barmi gjaldþrots.... hvaða bull er þetta???? Ég meina eru þessir menn lygasjúkir... Kannski ætti að senda þá í meðferð með áhættufíklunum....Ég hef tekið ákvörðun fyrir mig og mín börn... Ég ætla að flytja til Noregs. Ég ætla fyrst að klár garðyrkjuskólann. Hann er svoooo skemmtilegur og svo ætla ég að STIMPLA mig út úr íslensku samfélagi

Rætt við norræna seðlabanka

Látið ykkur dreyma.....

Við skellum okkur bara í heitapottinn þegar kreppan kemst í hámark og iljum okkur aðeins..... Hvernig var það.......Er ekki nýtt MATVÆLAFRUMVARP í deiglunni sem átti að samþykkja síðasta vor: flytja inn allan mat, svona til að bændur hér á landi gætu endanlega sungið sitt síðasta, pakkað saman í sínum afskekktum krummaskuðum og komið sér í "góðærið" í Bænum.....  Já það verður gott að liggja í heitapottinum og  láta sig dreyma um síðustu "hagsældar ár" Hversu mikið þjóðin "græddi"  Já ef ekki nú.... hvenær þá..... 

Íslendingar þurfa ekki að kvíða myrkri og kulda

Algjör vitleysa

Vaknið vaknið.... Það eru stór orð sem falla loksins þegar "liðið" mætir úr sumarfríinu. Nú er kominn tími til að gera eitthvað........ Allt komið í bál og brand.....Ríkisóstjórnin með kransæðastíflu og andstaðan með hjartsláttartruflanir ........ Nú verður hægt að eyða tímanum í Alþingishúsinu í rifrildi og blaður (svona eins og venjulega) og almenningur á að trúa því að nú verður eitthvað gert til að hjálpa...... Hjálp....... Hvernig gengur annars með EFTIRLAUNAFRUMVARPIÐ Góða?  Sofið vel.

Vaknið stjórnaraliðar, vaknið

Líka snjór á Ísafirði

Eins og hvítt lín, kom fyrsti snjórinn í nótt......En ekki mjög mikill, bara smá föl. Börnin rosa kát með veturinn......... Sigurjón vildi ólmur út að moka og Ólöf vildi fá aðeins meira í fjöllin, svo skíðaiðkun gæti byrjað sem fyrst.......En ég hugsaði um kartöflurnar, sem ég hef ekki lokið við að taka upp. Var að bíða eftir þurrki.......... ..... Frysti þetta aðeins í bili....

Snjókoma á Mars

Dagur að kveldi kominn

Í morgun vakti ég dóttur mína til að fara í skólann. Stuttu eftir að hún fór var hringt í mig og mér tilkynnt að það væri enginn skóli í dag...... Dóttir mín kom aftur heim. Hún var kjökrandi yfir því að ALLIR höfðu starað á hana þegar hún var á leiðinni í skólann. Ég sagði henni að það væri allt í lagi, bara gott að hún væri komin heim og hefði frí í allan dag. Hún notaði tímann til að "baka".  Þetta voru ekki ætar kökur, en nóg af flórsykri fyrir heila þjóð.  Eftir þetta þurfti mikil þrif.... sem ég sá um.....En næst ætlum við að baka kanilsnúða.....sem hægt er að borða.

 

 

 

 

 

 

 

 

 

 

 

Nú eru allir farnir að sofa í húsinu og tími til kominn að gera það líka.

 

 

 

 

 

 Sjáumst.

 

Ekki benda á mig.....

Er ekki tími til kominn að einhverjir taki pokann sinn? Ég meina, flestir eru nú reknir fyrir minna........ 

 

Ríkið eignast 75% í Glitni