Sigríður Inga Sigurjónsdóttir

5.10.2008 | 12:40

Fimmta ríkasta þjóð í heimi.........

Mín skoðun á inngöngu í Evrópubandalagið og allt það hefur verið sú að við ættum ekki að verða hluti af svo stóru batteríi. Vera sjálfstæð og sjálfum okkur nóg........ En þetta breyttist ......Nú finnst mér að við ættum að verða hluti af Noregi eða Danmörku. Mér finnst að íslensk stjórnvöld geri bara það sem henni sýnist og helst á sig... og það er ekki gáfulegt að mínu áliti. Það þarf "tilsjón" með þessum fuglum..... Ágúst Ólafsson var að segja í RÚV að íslendingar væru 5. ríkasta þjóð í heimi...... á barmi gjaldþrots.... hvaða bull er þetta???? Ég meina eru þessir menn lygasjúkir... Kannski ætti að senda þá í meðferð með áhættufíklunum....Ég hef tekið ákvörðun fyrir mig og mín börn... Ég ætla að flytja til Noregs. Ég ætla fyrst að klár garðyrkjuskólann. Hann er svoooo skemmtilegur og svo ætla ég að STIMPLA mig út úr íslensku samfélagi Woundering

	Rætt við norræna seðlabanka
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Var að flytja til Noregs, skynsamlegasta ákvörðun sem ég hef tekið, hér axla ráðherrar ábyrgð á mistökum sínum.

Arnþór (IP-tala skráð) 5.10.2008 kl. 13:09

Grasið er alltaf grænna hinu meginn er það ekki? Það eru nú ekki margir mánuðir síðan það var best að búa á Íslandi og Íslendingar voru hamingjusamasta þjóð í heimi.

Það væri barnalegt að halda að þetta sé það versta sem gerst hefur á Íslandi og að núna sé allt búið. Íslendingar eru úrræðagóðir og þetta á eftir að snúast.

Sjálfur bý ég í Noregi og hef búið erlendis í samanlagt 8 ár. Ég hlakka mikið til að geta flutt heim þar sem kvart og kvein og sjálfsvorkun er bundin fjárhagskreppu frekar en daglegur lífi eins og hérna.

Ágætur Arnþór. Þú ert kannski ekki búinn að ná fullu valdi á norskunni og getur eflaust ekki lesið blöð né fylgst með fréttum í Noregi. Þar er því hægt að fyrirgefa þér rangmælin.

Góða ferð engu að síður, mæli með Ringnes Classic.

Hinrik

Hinrik Jósafat Atlason (IP-tala skráð) 5.10.2008 kl. 15:59

Sæll Hinrik. Ég bjó í Noregi í 7 ár. Frá árinu 1991 til 1998. Auðvitað er best að búa á Íslandi en þessi stjórnvöld, í endalausum sandkassaleik, mokandi undir sig og sína er óþolandi. í Noregi er þetta aðeins meira þroskað. Sorry en það er mitt álit.

Sigríður Inga Sigurjónsdóttir, 5.10.2008 kl. 16:11

..... og hefur ekkert með grænt gras að gera......

Sigríður Inga Sigurjónsdóttir, 5.10.2008 kl. 16:17

Sigríður, Íslensk stjórnvöld eru ekki uppá marga fiska. Því er ég hjartanlega sammála!

Í seinni tíð hafa tvö mál komið upp í Noregi sem minna skuggalega á sandkassaleikinn sem þú nefnir. Terra málið og ÓL í Tromsø þar sem undirferli stjórnvalda bæði hefur og á eftir að kosta íbúa viðkomandi svæða fleirri tugi, ef ekki hundruði milljarða fjalldollara (NOK).

Norðmenn eru ágætis fólk en sjálfsgagngríni er ekki þeirra sterkasta hlið og því gleymist slíkt ansi fljótt. Norðmenn hafa ávalt verið aumi bróðirinn metið með Danmörk og Svíðjóð og nú er þeim mikið um að nota olíuauðævin í að sanna það andstæða. Í æsingnum eru reist óperuhús og skíðastökkpallur og á meðan gleymist littli maðurinn og staðan er víst orðin slík að þú átt hvergi í vestur evrópu meiri hættu á að vera rændur, nauðgað eða barinn en einmitt á götum Osló. Einnig má nefna að hvergi í hinum siðmenntaða heimi tekur heróín jafn mörg líf eins og í Noregi vegna aðgerðaleysis stjórnvalda, og það í ríkasta landi í heimi!

Annað sem er mjög áhugavert, og hérna skal ég gera mitt besta til að draga ekki úr þjóðrembunni, er að ég tel að Íslendingar hefðu ekki komist jafn langt og raun ber vitni ef þeir hefðu ekki verið búnir jafn mikilli lærdómsfýsn og vilja til að gera sitt besta, og verið tilbúnir til að líta út fyrir landsteinana eftir góðum hugmyndum. Þetta gerir meðal annars það að verkum að lítið er skrifað um það sem neikvætt gerist annarstaðar, og oft er of fögur mynd máluð frekar en hitt, og það sem neikvætt gerist heima er gjörsamlega blásið upp af fjölmiðlum og fólkinu sem vill hafa hlutina í lagi. Í Noregi tíðkast hið andstæða þar sem ófarir annara eru frekara notaðar til réttlætingar á eigin ágæti en annað. Ef keppnin gengi útá að skapa lífsgæði fyrir þjóðina þá veit ég hvorn hestinn ég myndi vilja hafa fyrir vagninum.

Það sem er að gerast í Íslensku efnahagslífi er eitthvað sem við þurfum að læra að forðast í framtíðinni. Noregur lenti í svipuðu í byrjun 10. áratugarinns, eins og þú veist, og hefur lært af því. Það gera Íslendingar líka og eiga aftur eftir að skapa bestu lífskjör sem þekkjast. Hversu langan tíma það tekur er ómögulegt að vita en eitt er víst að margt mætti betur fara í stjórnunarmálum og því er næsta skref að taka á því.

Ps. Borg bjórinn er líka ágætur.

Hinrik

Hinrik Jósafat Atlason (IP-tala skráð) 5.10.2008 kl. 17:25

Já noregs er verðlag á rafmagni og öðru ekki frekar hátt þar?

Eyrún Gísladóttir, 5.10.2008 kl. 18:08

Hinrik. Takk fyrir þetta. Þú hefur örugglega mikið til þíns máls. En hérna a Íslandi er sukkið búið að vera gíganískt skal ég segja þér. Ríkisstjórn Íslands "gaf" nokkrum "gæðingum" bankana sem svo keyptu allan fjandann og rúmlega það... Svo núna ætlar ríkisjóstjórn Íslands að kaupa einn bankann aftur, þar sem gæðingarnir hafa gloprað öllu niður.... og hvað með alla hina bankana? Ætlar ríkisóstjórn landsins að kaupa þá líka?´Þessa stundina reynir ríkisóstjórn Íslands að redda láni einhversstaðar.... en lán þarf að borga. Svo fóru bankarnir að lána fólki til íbúðarkaupa... Og allt fór í vitleysu. Fólk sem átti ágætis eignir,þurfti nú skyndilega að kaupa stærra og flottara og dýrara. Henda öllu út og setja allt nýtt inn.... Bankarnir lánuðu landanum.... Þessi vandi sem Íslendingar glíma nú við er komin til vegna stjórnvalda sem hafa staðið sig vægast sagt ömurlega.Engin stefna í einu né neinu, nema kannski koma sér og sínum vel frá borði. Hvort sem það er sjálfstæðisflokkur, samfylking eða eitthvað annað. Það er sami rassinn undir þessu öllu. Af hverju var ekki ríkisóstjórn landsins farin að gera eitthvað í þessum blessuðu peningamálum landsins, fyrr en allt var komið i kalda kol? Sukk og ekkert annað.....

Sigríður Inga Sigurjónsdóttir, 5.10.2008 kl. 20:51

Hérna í Noregi er það mun betra. Hérna þarf maður að minnsta kosti að senda SMS áður en maður fær lán uppá 2 miljónir! Án ábyrgðar vel að merkja. Það er að vísu breytt núna eftir að Norski seðlabankinn þurfti að dæla tugum milljarða inn í norskt efnahagslíf svo að bankarnir hefðu aðgengi að lausafé og loka tímabundið fyrir gjaldmiðlaviðskipti þar sem allir vildu losa sig við fjalldollarana og fá sér alvöru dollara í staðinn.

Einnig eru þeir byrjaðir að senda út sjónvarpsþátt um fólk sem gat ekki borgað af húsinu sínu nema með yfirdrætti (sem einkavæddu bankarnir slóust um að veita þeim, auðvitað) en eitthverja hlutana vegna endaði yfirdrátturinn sem nýr bíll og flatskjár.

Sukkið er búið að vera allstaðar í Evrópu! Það er ekki Íslenskt fyrirbæri og allt er ekki betra annarstaðar. Ekki í þeim 5 löndum sem ég hef búið í, að minnsta kosti. Heldur er það ekki Íslenskt fyrirbæri að stjórnvöldum er um að kenna þegar miður fer.

Ég skil gremju þína mæta vel og ég vona innilega að þú verður ánægðari í Noregi. En ég vona einnig að þú búist ekki við því, að þetta vandamál, sem í raun er manneskjulegur galli og ekki þjóðbundinn, verði leystur þegar hingað er komið.

Hinrik

Ps. Læt fylgja með nokkra hlekki á norska fréttasíðu sem þér gætu þótt áhugaverðir. Kannski það eru ekki bara Íslendingar sem eru með drulluna uppá bak.

http://e24.no/boers-og-finans/article2682826.ece

http://e24.no/kommentar/boerskommentar/article2682099.ece

http://e24.no/makro-og-politikk/article2688445.ece

Hinrik Jósafat Atlason (IP-tala skráð) 5.10.2008 kl. 22:05

Takk fyrir þetta Hinrik. Mér sýnist þetta ekki gáfulegt þarna heldur. Kannski held ég mig bara á klakanum... NB á Ísafirði.... Allt svo gott fyrir Vestan